Tural Əzimov

Bakı Türk Anadolu Liseyinin məzunuyam. Məktəb vaxtlarından həmişə texniki fənlərə marağım daha çox olmuşdur. Böyük siniflərə çatanda maraqlandığım sahələrlə bağlı xaricdə təhsil alaraq vətənə qayıtmış tanışlarımın yaxşı mənada necə dəyişdiyini müşahidə edə bilirdim. Onlar həm dünyagörüşü cəhətdən inkişaf etmiş, həm də öz ixtisasları üzrə peşəkara şəxsiyyətə çevrilməyi bacarmışdılar.

Məktəbin son illərində isə ailəmin də dəstəyi ilə xaricdə oxumaq qərarı aldım. Sıra bütün bu qarışıq proseslərdə mənə kömək edəcək şirkət tapmaqda idi. Çox keçmədi ki, qısa bir araşdırma nəticəsində “İnterstudent”  mərkəzini tapdım. Qısa bir zamanda hazırlıqlara başladım və səbrli, gülərüz ən əsası isə peşəkar müəllimlər sayəsində “SAT” və “TOEFL” imtahanından yüksək nəticə əldə etdim.Tezliklə çəkdiyimiz əziyyətlərin bəhrəsini aldıq. Hal-hazırda Türkiyə Burslarının təmin etdiyi təqaüd ilə “Ege Universitesi”ində elektrik və elektronika ixtisasında ingilis dilində təhsil almaqdayam. Mənə istədiyim universitetdə təhsil almaq şəraiti yaratdıqlarına, xaricdə təhsil almağıma dəstək olduqlarına görə “İnterstudent” xaricdə  mərkəzinin peşəkar və mehriban kollektivinə öz minnətdarlığımı bildirirəm.