Uşaq yaşlarımızdan bu günə kimi çoxumuzun xəyalı xaricə getmək, maraqlı yerləri gəzmək, yeni yerlər öyrənmək olub. Bunun üçün isə ağlımıza gələn ən ideal variant xaricdə təhsil almaqdır. Xaricə təhsil almaq üçün universitetə qəbul olmaq elə də asan məsələ deyil. Bunun üçün çoxlu uzun uzadı proseslərdən keçmək, bir çox imtahana girmək lazımdır. Bu imtahan prosesləri isə insanı daha da stressə salır, onun dərslərinə daha yaxşı fokuslanmasının qarşısını alır.
Son dövrlərdə isə imtahansız xaricdə təhsil çox geniş yayılmışdır. Bu yolla siz sıra ölkələrin istər dövlət, istərsə də özəl universitetlərində təhsil ala bilərsiniz. İmtahansız qəbul sistemi ilk başda insanda güvən yaratmasa da dərindən araşdırdıqda və peşəkarlarla birlikdə işlədikdə çox güvənli bir yoldur.
İmtahansız tələbə qəbulu edən bir neçə ölkə var ki, bu ölkələr əsasən aşağıdakılardır:
Türkiyə
Türkiyə qardaş ölkə olmasıylə bərabər təhsil sisteminin güclü olması ilə xaricdə təhsil üçün ən çox üz tutulan yerlərdən biridir.
Türkiyənin bir çox universitetində siz yalnız attestat balı ilə qəbul ola bilərsiniz. Türkiyəyə qəbul zamanı əsasən aşağıdakı sənədlər tələb olunur:
- Xarici pasport;
- Məktəbdən arayış və ya attestat;
- 3×4 ə şəkil;
- Qiymət ortalaması. (9-10-11-ci sinif qiymətləri)
Nəzərə almalı olduğunuz ən vacib məqam isə sənədlərin təstiqlənmə vaxtıdır. Sənədlər əsasən 2 aya yaxın müddət ərzində təstiqləndiyi üçün, mümkün qədər tez qeydiyyatdan keçmək lazımdır.
Ukrayna
Ukraynanın ekonomikliyi, çox gözəl təbiəti və eyni zamanda uzun illərdən bəri gələn təhsil təcrübəsi xarici tələbələri özünə cəlb etməkdədir.
Ukraynada attestat balı ilə qəbul zamanı əsasən aşağıdakı sənədlər tələb olunur:
- Attestatın Ukrayna dilində tərcümə edilmiş və notariat qaydada təsdiq edilmiş sürəti;
- Ümumvətəndaşlıq passportu yaxud şəxsiyyət vəsiqəsinin sürəti;
- 8-12 ədəd 3/4 şəkil;
- Doğum haqqında şəhadətnamə;
- Sağlamlıq haqqında arayış;
- Xüsusi xəstəliklər üçün tibbi arayış
Gürcüstan
Gürcüstanda tələbə həyatı olduqca maraqlı keçir. Bu arada yaşayış xərclərinin az olması tələbə həyatına daha böyük həvəs qatır. Tələbə mərkəzdə ona təqdim olunan tələbə kartından nəqliyyatda və digər xidmət yerlərində yararlana bilər. Bütün dövlət universitetlərində təhsil əyani formada aparılır. Ancaq bunlara baxmayaraq hər bir tələbə Gürcüstanda Dövlət akkreditasiyasından keçmiş özəl universitetlərdə qiyabi təhsil ala bilər.
Gürcüstanda attestatla təhsil üçün lazım olan sənədlər aşağıdakılardır:
- Attestat (gürcü dilinə tərcümə və təsdiq);
- Xarici passport;
- şəkil 3×4 – 6 ədəd;
- şəxsiyyət vəsiqəsinin kopyası;
- doğum haqqında şəhadətnamə (gürcü dilinə tərcümə və təsdiq)
